E Escudo di Aruba
Na 1955 Aruba a lustra su propio Escudo officialmente.
Awor na 2025, 70 aña a pasa y Aruba ta un otro pais cu e tawata ta, pero nos Escudo a ainda ta persevera.
Pero kiko ta un Escudo? Dikon e ta importante y kiko mas tin den historia cu nos no sa?
Esey ta loke nos di Departamento di Cultura a bai investiga den preparacion di e celebracion y a bin encontra hopi cosnan interesante, por ehempel e prome diseño di e Escudo.
E historia di e Escudo di Aruba
Dia 27 maart 1953 Gobierno di Aruba a anuncia den corant cu lo organisa un concurso pa yega na e Escudo di Aruba. Den e mesun aña e Gobierno insular a scohe e Escudo cu a wordo diseña na ‘Atelier voor Heraldische Kunst’ na Amsterdam.
Pero e Gobierno di Aruba a haci dos cambio:
- Den e prome hoki tabatin un solo pinta. Gobierno a cambia esaki pa un mata di Aloe.
- Den e di dos hoki tabatin pinta e sero di Jamanota. Gobierno a cambia esaki pa e sero di Hooiberg
E Escudo di Aruba a wordo oficialisa dia 15 di november 1955.
