Funding Requests

Exigencianan

• Tur peticion mester ta por escrito na DCA;
• Tur peticion mester por ser entrega den 30 dia di trabou (werkdagen) adelanta;
• Tur peticion mester tin un descripcion di proyecto;
• Tur peticion mester por tin un presupuesto y ofertanan adhunto;
• Tur peticion mester tuma lugar na Aruba;
• Tur peticionario mester ta residencia na Aruba;
• Tur peticion mester tin e balor cultural cu ta di importancia pa conservacion di nos herencia cultural tanto tangible como intangible y cu ta yuda na desaroya y incentiva e creatividad den tur diciplina di arte y cultura.

Criterianan di evaluacion

• Mester trece tur disciplina di arte den un balans, kisas pa luna (p.e. un proyecto di musica, un di baile, un di teatro, un di educacion, etc.). No solamente duna sosten na un disciplina so.
• Mester categorisa e sosten financieronan (proyecto chikito-mediano- grandi).
• Lo define e suma di e sosten financero a base di e peticion y presupuesto entrega door di e NGO na DCA.

Criterianan financiero

• Den e proceso di evaluacion, conforme e conseho pa sostene e proyecto, alabes ta evalua cua parti di e gasto di e presupuesto di e proyecto ta cay den e categoria pa por wordo cubri for di e presupuesto di DCA pa NGO’s.
• Ta conseha director di DCA y den casonan special tambe Minister di Cultura pa un aprobacion.
• Den caso di un conseho positivo ta informa, e peticionario (fundacion, organisacion, grupo) mediante un carta of e-mail lo siguiente:
• DCA ta trece na claridad cu no ta duna subsidio of sponsorship, pero ta considera un contribucion financiero, conforme e exigencia y criterianan, pa bin na remarca di esaki.
• DCA ta informa riba e procedemento di e maneho di Directie Financiën, conforme regeling di compatibilidad 1989 di Land Aruba.
• DCA ta informa y ta duna conseho riba e forma di contribucion financiero y aprobacion di pago. Entre otro pa medio di un:
• Inkooporder (IO) pa garantia di e servicio;
• Peticion pa un restitucion te cu e suma aproba (ta
• adkeri un resumen y copia di recibo);
• Entrega di factura pa pago.

Nota importante:

• DCA ta informa e peticionario cu e compania cu ta provee e servicio mester traha cu Gobierno.
• Pa compania y fundacion mester un KvKnummer y persoonsnummer.
• DCA ta informa cu na principio tin un termino di 90 dia pa ricibi pago riba tur termino y condicion di pago.

Condicionnan di DCA en cuanto sosten

• Ta ser pidi pa menciona e cooperacion di DCA den ful e mercadeo di promocion;
• Logo di DCA den tur promocion;
• Logo di DCA como backdrop;
• Manda un invitacion pa minister;
• Manda un invitacion pa director.