Aruba conoce diferente tradicion pa e celebracion di Pasco y Aña Nobo, entre otro, adorno, preparacion y baymento di misa.

Dia di Pasco di Nacemento di Hesus

Durante cabamento di 1800 y cuminsamento di 1900, Aruba tabata un isla pober y masha poco hende tabata biba akiriba. Pero esaki no tabata stroba e celebracion di Pasco y Aña Nobo, pasobra maske con pober nan tabata, semper tin algo pa ofrece famia y bisiña.

E temponan ey, durante fin di aña tabatin masha hopi ambiente mes. Tur hende tabata prepara pa yegada di Pasco. Manera ta e custumber di tur Arubiano, un bes pa aña, prome cu e dianan di Pasco ta haci un bon limpiesa tanto paden y como pafo di cas. Tur cos ta haya un verf nobo, hasta e dak. Mayoria di e casnan di e tempo aya tabata blanco of geel, pasobra e hendenan tabata verf nan cu calki.

Adorno:
Tabata traha adorno di Pasco na cas mes. Cu sinta di tur color tabata traha tur clase di adorno pa pega na muraya y colga den cas, esakinan tabata popchi di paña, borda y gehaak. Cortina nobo of di aña pasa tabata sali for di den cashi pa wordo colga.. …