Aruba a haya su mesun moneda despues di su ‘Status Aparte’ den Reino di Hulanda na 1986. E valuta di e moneda ta yama florin y a bira e moneda official di Aruba. Ta indica esaki cu e letranan AWG (Arubaanse gulden). E florin ta e medio di pago legal di Aruba.
Nos moneda y nos biyetenan ta otro simbolo di nos identidad.

Banco Central di Aruba (BCA) ta encarga cu e moneda di Aruba mester sigura cu esaki ta di calidad excelente y ta cumpli cu e standardnan di siguridad halto. Pa mas informacion bishita e website di banco central (BCA).

E florin ta consisti di 100 cen. E cambio oficial di un Dollar Mericano pa florin ta AWG. 1.80.

Moneda di Aruba prome cu 2005
E prome serie di moneda a ser traha na ‘s Rijks Munt (awor conoci como Koninklijke Nederlandse Munt) na Utrecht, Hulanda, na aña 1986. E serie di moneda tabata consisti di monedanan di 5, 10, 25, 50 cen …

Serie di biyete nobo desde 2019

Dia 3 di juni 2019, Banco Central di Aruba (BCA) a emití un serie nobo di biyete di florin, cu a reemplasa e serie di biyete di aña 2003. E serie nobo di biyete di florin tin un diseño completamento nobo y e miho caracteristicanan di siguridad moderno disponibel. Den e manera aki, Banco Central di Aruba (BCA)ta busca pa mantene e confiansa den nos biyete di florin y mehora e eficiencia y efectividad di nos sistema di pago.
E caracteristicanan di siguridad di biyete di aña 2019:

• Impresion di tactilidad halto;
• Elemento pa persona cu deficiencia visual;
• Strepi 3D cu movecion;
• Inkt cu ta cambia di color;
• Strepi briyante;
• Marca di awa;
• Registro transparente;
• Texto micro y imagen;
• Impresion di UV;
• Imprenta UV.

Banco Central di Aruba (BCA) ta responsabel pa emision di nos biyetenan di florin. Si e biyetenan daña y nan calidad ta malo, mesora ta saca nan for di circulacion y ta reemplasa nan cu biyete nobo. Asina por sigura un calidad halto di nos biyetenan