DCA ta duna diferente servicio relaciona cu cultura na e GO (Govermental Organization), e organisacionnan cu ta wordo subsidia door di gobierno y na e NGO (Non-Govermental Organization) e organisacionnan cu no ta wordo subsidia door di gobierno. Tambe ta otorga Seyo Nacional pa Artesania y autorisa importacion y benta di Nos Bandera.

Por haci peticion di:

• Registration GO & NGO
• importa y bende Bandera di Aruba

Peticion Registracion NGO

E organisacionnan cu no ta wordo subsidia door di gobierno (NGO), por haya espacio riba e website di DCA pa publica nan informacion relaciona cu proyecto of actividadnan cultural. Pa esaki e organisacion mester yena e formulario di peticion cu e datonan necesario di e organisacion.

Peticion pa importa y bende Bandera di Aruba

Departamento di Cultura ta encarga cu e peticion pa importa y bende Bandera di Aruba.

Pa haci peticion pa importa y bende Bandera di Aruba, mester yena e formulario di aplicacion.

Formato oficial di Bandera di Aruba:

• 60 x 90 cm;
• 100 x 150 cm;
• 150 x 250 cm;
• 200 x 300 cm.

E permiso pa importa y bende Bandera di Aruba ta conforme e Ley articulo 11 di LB ham, fecha 16 di juli 2015. AB2015 no. 32 y Ordenasa Nacional fecha 17 di october 1991. AB1991 no. 101.

• Den caso cu no cumpli cu e ley, lo por tin un sancion den forma di un boet;
• E permiso ta valido pa un aña;
• Na momento cu no cumpli cu e rekisitonan, lo kita e permiso for di aplicante. segun reglanan di Ordenansa di Bandera Nacional 2016.