Desde aña 1955 Aruba tabatin su Escudo y un cantica cu tabata considera como e Himno di Aruba, pero tabata falta e Bandera.

Pa yega na un propio bandera, dia 21 di januari na aña 1976, un comision, nombra door di gobierno, a organisa un concurso pa yega na un diseño di e Bandera di Aruba.

Henter comunidad por a entrega nan diseño di bandera. A ricibi total 693 diseño. Mayoria participante tabata muchanan di scol. A base di e concurso, algun punto a keda resalta pa e bandera:

• Un strea di cuater punta;
• E strepinan horizontal of vertical;
• E colornan cora, blanco, blauw y geel.

Diseño oficial di Nos Bandera
E comision, hunto cu conseho di ‘Flag Research Institute’ na Boston, a escoge e diseño cu a bira e Bandera oficial di Aruba. Den e reunion interno pa e Conseho Legislativo riba 8 di maart …