Nos Escudo
Diseño oficial di Nos Escudo
E Escudo di Teritorio Insular di Aruba ta den uzo oficial desde 15 di November 1955.
E Escudo di Aruba a wordo escogi despues cu e Gobierno Insular di Aruba a anuncia den corant, dia 27 di maart 1953, cu ta organisa un concurso pa yega na e Escudo di Aruba.
E diseñador W.J.D. Posthumus, diseñador y experto heraldico di arte di ‘Atelier voor Heraldische Kunsten’ di Amsterdam, Hulanda, a somete e diseño di escudo, di cual Gobierno Inslular a selecta como e Escudo pa Aruba.
Riba e diseño aki Gobierno di Aruba a haci dos cambio cu aprobacion di ‘Atelier voor Heraldische Kunsten’ di Amsterdam, Hulanda, pa hacie pa refleha mas ainda e simbolo inconfundibel di Aruba.E cambionan aki ta den e prome y di dos seccion di e Escudo.
Mientras cu e tayer Hulandes a pinta solo den e prome seccion di e Escudo, Gobierno Insular a cambie pa un mata di aloe.
Den e di dos seccion originalmente e tayer Hulandes a pinta e sero di Jamanota; Gobierno di Aruba a cambia esaki pa e sero di Hooiberg.
Bou di e reglanan di e concurso, e diseño di e Escudo a bira propiedad di e Territorio Insular di Aruba y pues e Escudo aki ta esun oficial di Aruba, cual a wordo aproba door di nos Parlamento, den e decreto segun e Desicion Insular, riba 15 di november 1955 no. 9113.
Un Escudo di un pais ta un simbolo di union y identidad tanto local y internacional.
Nos Escudo ta reparti den 4 seccion cu a keda conecta cu un cruz y corona cu un leon y rondona cu ramanan di Laurel.
Cada simbolo den e Escudo tin su nificacion.
| Nificacion di e simbolo | Simbolo |
| E prome seccion color blauw: E mata di aloe: • E mata di aloe ta simbolisa nos prome fuente di bienestar y industria di nos pais; • E mata di aloe originalmente ta color di oro, pero riba papel e ta color geel. |
 |
| E di dos seccion color oro (riba papel color geel): E sero di Hooiberg: • E sero triangular di color berde; sero di Hooiberg: ta simbolisa Nos Pais cu ta sali for di lama; • E color berde di e sero ta color di alegria cu nos ta sinti desde nos autodeterminacion; • E liñanan manera ola di colornan blauw y plata (plata ta riba papel color blanco), ta simbolisa nos lama |
 |
| E di tres seccion color oro (riba papel color geel): E dunamento di man: • E dunamento di man (color cora) ta simbolisa e lasonan di amistad entre Nos Pais y e otro nacionnan, riba tereno politico, economico y cultural; • E color cora di e mannan ta simbolisa nos caracter generoso, nos simplesa y balor di trabou pa reforsa e lasonan aki. |
 |
| E di cuater seccion color cora: E wiel cu punta color di plata (riba papel color blanco): • E wiel ta simbolisa un timon cu ta duna guia na nos industria, cu ta e fuente di bida mas importante di Nos Pais. |
 |
| E cruz color plata (riba papel color blanco): • E cruz memey di e Escudo ta e simbolo di devocion y fe. |
 |
| E leon: • E leon color cora riba e Escudo den posicion drumi ta simbolisa forsa y generosidad. |
 |
| E ramanan di Laurel: • E Escudo ta rondona cu dos rama di Laurel color berde, mara den otro; • E ramanan di Laurel parti abou di e Escudo ta e simbolo di paz, alegria y amistad. |
 |
Nos Escudo ta reparti den 4 seccion cu a keda conecta cu un cruz y corona cu un leon y rondona cu ramanan di Laurel.
Cada simbolo den e Escudo tin su nificacion.
E mata di aloe
E prome seccion color blauw: E mata di aloe:
E mata di aloe ta simbolisa nos prome fuente di bienestar y industria di nos pais;
E mata di aloe originalmente ta color di oro, pero riba papel e ta color geel.
E mata di aloe ta simbolisa nos prome fuente di bienestar y industria di nos pais;
E mata di aloe originalmente ta color di oro, pero riba papel e ta color geel.
E leon
E leon color cora ariba e Escudo den posicion drumi ta simbolisa forsa y generosidad.
E sero di Hooiberg
E di dos seccion color oro (riba papel color geel): E sero di Hooiberg:
• E sero triangular di color berde; sero di Hooiberg: ta simbolisa Nos Pais cu ta sali for di lama;
• E color berde do e sero ta color di alegria cu nos ta sinti desde nos autodeterminacion;
• E liñanan manera ola di colornan blauw y plata (plata ta riba papel color blanco), ta simbolisa nos lama
• E sero triangular di color berde; sero di Hooiberg: ta simbolisa Nos Pais cu ta sali for di lama;
• E color berde do e sero ta color di alegria cu nos ta sinti desde nos autodeterminacion;
• E liñanan manera ola di colornan blauw y plata (plata ta riba papel color blanco), ta simbolisa nos lama
E cruz color plata
E cruz color plata (riba papel color blanco):
• E cruz memey di e Escudo ta e simbolo di devocion y fe.
• E cruz memey di e Escudo ta e simbolo di devocion y fe.
E di tres seccion color oro
E di tres seccion color oro (riba papel color geel): E dunamento di man:
• E dunamento di man (color cora) ta simbolisa e lasonan di amistad entre Nos Pais y otro nacionnan, riba tereno politico, economico y cultural;
• E color cora di e mannan ta simbolisa nos caracter generoso, nos simplesa y balor di trabou pa reforsa e lasonan aki.
• E dunamento di man (color cora) ta simbolisa e lasonan di amistad entre Nos Pais y otro nacionnan, riba tereno politico, economico y cultural;
• E color cora di e mannan ta simbolisa nos caracter generoso, nos simplesa y balor di trabou pa reforsa e lasonan aki.
E wiel cu punta color di plata
E di cuater seccion color cora: E wiel cu punta color di plata (riba papelcolor blanco):
• E wiel ta simbolisa un timon cu ta duna guia na nos industria, cu ta e fuente di bida mas importante di Nos Pais.
• E wiel ta simbolisa un timon cu ta duna guia na nos industria, cu ta e fuente di bida mas importante di Nos Pais.
E ramanan di Laurel:
E Escudo ta rondona cu dos rama di Laurel color berde, mara den otro;
• E ramanan di Laurel parti abou di e Escudo ta e simbolo di paz, alegria y amistad.
• E ramanan di Laurel parti abou di e Escudo ta e simbolo di paz, alegria y amistad.
Click riba e potret y download nos Escudo pdf
John F. Kennedy Education Center
Stadionweg 37, Oranjestad, Aruba
Telefon:
(297) 582-2185
E-mail:
info@cultura.aw
Oranan di Oficina:
Dialuna – Diabierna
7:30 AM – 4:30 PM