E Relatonan Anual

E relato anual ta describi loke Departamento di Cultura Aruba ta haci durante aña den cuadro di e Maneho Integral di Cultura. Esaki ta encera e descripcion di e organisacion en general, e proyecto y actividadnan di tur seccion y e perspectivanan pa e siguiente aña(nan). Pa mas informacion vishita e pagina di relato anual.

E seccion di Investigacion y Documentacion

E Seccion di Investigacion y Documentacion tin e tareanan di:

• Investigacion y documentacion di tema y susesonan cultural tangibel y intangibel;
• Duna of tuma guia riba tereno di contenido di trabou na un instancia organisacion.

E seccion di Implementacion

E Seccion di Implementacion tin e tareanan di:

• Implementacion di e proyectonan y e actividadnan cultural pa e scolnan y pa pueblo en general.

Seccion di Asuntonan General y Financiero

E Seccion di Asuntunan General y Financiero ta encarga cu conduci y sostene e soporte facilitario y financiero di DCA. E seccion ta cubri e aspectonan administrativo y di recurso humano te na funcionnan financiero clave y relacionnan externo. E ta encarga cu e desaroyo, implementacion y monitor e presupuesto pa diferente departamento of Proyecto di DCA.

Coordinado Organisacion Gubernamental y no Gubernamental

E Coordinado di Organisacionnan Gubernamental (OG) y Organisacion no Gubernamental (ONG); (Governmental Organization (GO) y Non-Governmental Organization (NGO) tin e tarea di:

• Duna sosten na fundacion cultural riba tereno di arte y herencia cultural en general
• Realisa e proyectonan organisa door GO y NGO, conhuntamente y cu e sosten di DCA. E sosten aki ta encera entre otro, pa por brinda yudansa den trahamento di un plan di proyecto cu un presupuesto y tambe pa indica kico Departamento di Cultura Aruba lo por duna na un subsidio chikito pa por realisa e proyecto.