Idioma di Aruba

Vocabulario Ortografico di Papiamento

Na 2009, pa prome biaha, a publica un lista amplio di palabra: ‘Vocabulario Ortografico di Papiamento’, miho conoci como e Buki Blauw. E buki aki ta representa e ortografia di Papiamento di Aruba. Cu e lista di palabra aki, e uzadonan di Papiamento tin un instrumento practico den nan man pa skirbi Papiamento miho.

Oficialisacion ortografia di Papiamento

Dia 1 di november 2018 Parlamento di Aruba, unanimamente, a pasa e Ley di Ortografia di Papiamento.

Na 2010 a publica e prome edicion di ‘Manual di Gramatica di Papiamento – Morfologia’. Morfologia ta e estudio cu ta ocupa su mes cu structura, formacion, funcion y nificacion di palabra di un lenga, den e caso aki, Papiamento. E buki aki ta trata principalmente categoria di palabra.
Na e mesun aña a inicia un otro trabou di investigacion linguistico y desaroyo di e material: ‘Manual di Gramatica di Papiamento – Sintaxis’. Sintaxis ta studia con ta ordena, coordina y subordina e palabranan y e relacionnan cu e palabranan aki tin den un frase. E buki a keda publica na september 2016.

Papiamento tin su propio vocabulario, gramatica y ortografia. Nos idioma ta rico na proverbio, dicho y expresion.

Lesa mas