E historia multicultural di Aruba ta manifesta su mes tambe den e cushina Arubiano. E cushina Arubiano a origina for di e influencia Latino Americano, Africano, como tambe for di Europa. Como cu Aruba ta un isla rondona pa lama, e cushina Arubiano conoce un abundancia di producto for di lama y pues a conoce diferente cuminda prepara cu entre otro pisca y cocolishi.

Mayoria di plato Arubano (crioyo) ta consisti di pisca, carni di cabrito, carni di carne, carni di baca, banana hasa, funchi y pan bati. Un plato tipico Arubano ta pisca cu banana hasa, pan bati of funchi cu saus crioyo, traha cu tomati, siboyo y un tiki binager. E ingrediente pa duna sabor ta berdura y specerij, manera batata dushi, yerbe di hole y pica Madame Jeanette.

Sin duda un di e platonan mas saludabel di e cushina crioyo ta Concomber stoba. E plato hopi tradicional aki ta consisti di concomber chikito y carni di cabrito, carnisa, siboyo, conoflok y pica.

Lesa mas