Dia Di Betico

Comision Celebracion Dianan Nacional (CCDN) cu apoyo di DCA ta organisa tur aña e actividadnan relaciona cu ‘Dia di Betico’.

Esaki ta un celebracion oficial na memoria di Sr. Gilberto F. (Betico) Croes, un lider politico cu a logra e ‘Status Aparte’ di Aruba na 1986. Cu e status nobo aki, Aruba a ricibi su autonomia for di Antia Hulandes y a bira un entidad den e Reino Hulandes.

Aruba tin awe su propio Gobernador, Parlamento, Controlaria General (Algemene Rekenkamer Aruba), Raad van Advies, Banco Central, Cuerpo di Polis, Defensa Militar, Corte di Husticia, propio moneda, himno y bandera.