Tocante DCA

Home
/
Historia

Historia

Departamento di Cultura Aruba a pasa den un transicion di prome cu Aruba a haya su Status Aparte y despues di Status Aparte.

DCA prome cu Status Aparte

Na aña 1963 Aruba tabata forma parti di Antia Hulandes, cu tabata bou encargo di Gobierno Central di Antia Hulandes. E aña aki e balor cultural den seno di Gobierno a keda reconoci cu a conduci na un institucion di servicio cultural cu e obhetivo pa engrandece e conscientisacion riba e rikesanan cultural di nos pais.

E minister encarga e tempo ey cu Enseñansa, Trafico, Cultura y Educacion, señor. Ernesto O. Petronia d.f.m., a bin cu e idea pa na Aruba tambe institui un departamento similar cu e Gobierno Central di Antia Hulandes a institui na Corsou na aña 1962. Esaki a bira ‘Bureau Cultuur en Opvoeding’.

E meta principal di ‘Bureau Cultuur en Opvoeding’ tabata pa promove cultura den tur aspecto na Aruba y profila cultura den un forma amplio.

Lesa mas

DCA despues di Status Aparte

Na aña 1998 Gobierno a nombra un team di maneho pa traha riba e reorganisacion di Instituto di Cultura y na januari 2001 a disolve e team na momento cu a nombra un hefe nobo den persona di señor Frank Croes.

E maneho cu señor Croes a hiba tabata pa enfoca riba conservacion di tradicion cultural, fomenta un participacion maximo di tur esnan envolvi den desaroyo y implementacion di e maneho cultural di Gobierno; promove cultura propio, stimula desaroyo constante di expresion cultural y percura pa tin un balans efectivo entre expresion cultural, proyecta cultura Arubano den exterior y integracion di inmigrante den cultura Arubano. Esaki ta e maneho cu Minister di Labor, Cultura y Deporte, Señor Ramon Lee, a implementa desde final di aña 2001 y cu ICA a ehecuta te prome cu december 2007.

E maneho cultural na Aruba tabatin cambio constante den su stipulacion y desaroyo door di diferencia den vision y maneho di diferente gobernante.

Lesa mas