Historia

Home
/
Historia
/
Historia DCA prome cu Status Aparte

‘Bureau Cultuur en Opvoeding’ a bira e Oficina di Cultura y Educacion, situa riba Postkantoor, bou maneho di Señor Hubert (Lio) Booi d.f.m.

Na aña 1978, Gobierno Insular a institui un departamento nobo di cultura; Instituto di Cultura Aruba (ICA), situa den un oficina na San Pedro Hospital, e actual San Pedro Paviljoen.

E Oficina di Cultura y Educacion a keda funciona banda di Instituto di Cultura te aña 1985, na momento cu tur oficina y departamento di Gobierno Central di Antia Hulandes a pasa pa pais Aruba.

Despues di tur preparacion rekeri, a institui oficialmente Instituto di Cultura Aruba riba 30 di september 1978.

Na aña 1979 Gobierno Insular di Aruba a cumpra e edificio Maria Convent for di St. Catharina Stichting, pa ubica ICA den dje. E meta di Instituto di Cultura prome cu Status Aparte tabata pa prepara comunidad Arubano culturalmente pa su Status Aparte.

Na aña 1980 señor Booi d.f.m., a baha cu pensioen y señor August (Juchi) Croes d.f.m., a bira Hefe Interino, cu a keda encarga cu e maneho di e servicio. Na aña 1982 a nombra señor Leo Tromp como Hefe di Instituto di Cultura te na aña 1995, na momento cu e tambe a baha cu pensioen. Despues Instituto di Cultura a keda bou maneho di Señor Evelino Fingal como Hefe Interino, te na aña 1998.

Lesa mas