Moneda di Aruba

Moneda di Aruba prome cu 2005

E prome serie di moneda a ser traha na ‘s Rijks Munt (awor conoci como Koninklijke Nederlandse Munt) na Utrecht, Hulanda, na aña 1986. E serie di moneda tabata consisti di monedanan di 5, 10, 25, 50 cen, y 1 y 2½ florin. E monedanan tabata di un combinacion di metal y nikkel. Tur e monedanan tabata rondo, cu excepcion di e moneda di 50 cen, cu tabata cuadra.

Originalmente a introduci un biyete di 5 florin, pero esaki tabatin un costo halto di produccion. Pa e motibo aki e cinco florin a bira un moneda na aña 1995, den un forma inusual, esta e forma cuadra.
E forma cuadra aki di e cinco florin, tabata facil pa falsifica. Pa e motibo aki a trece un cambio na 2005. Dia 1 di september 2005, Banco Central di Aruba a emiti un moneda di 5 florin di brons-aluminio rondo pa reemplasa e moneda cuadra di 5 florin.

Na februari di aña 2004, CBA a emiti un serie di biyete di florin revisa cu a bin na luga di e serie di aña 1990 y 1993.
E serie aki tabata inclui varios caracteristicanan di siguridad, manera un papel aluminio di color plata, un hilo di siguridad, un ‘watermark’ electrotipo, y patronnan iridiserente.

Riba e placanan di papel di e serie 1990/1993 y 2003 a uza e siguiente bestianan:

• E calco riba e 10 florin;
• E cascabel riba e 25 florin;
• E shoco riba e 50 florin;
• E dori riba e 100 florin;
• E mero riba e 500 florin.