Moneda di Aruba

E Caracteresticanan Di e Biyetenan Nobo Desde Aña 2019

E biyete di dies florin:

E dies florin ta e prome biyete di e famia nobo. E caracteresticanan di e biyete ta:

• Color blauw: e color blauw ta representa e lama Caribense cu ta forma un parti vital di e eco-sistema di Aruba;
• Turtuga blanco: e turtuga blanco ta un di e especienan di turtuga mas grandi na mundo. Aruba su playanan ta un luga faborito pa e animal bunita aki, cu ta den peliger di extincion, pone webo;
• Fototo: e fofoto ta un pisca timido, pero curioso. E ta biba banda di rif di coral y yerba di lama;
• Bushiribana: pa gran parti di siglo 19 tabata saca oro for di Aruba su suela door di haci uzo di dinamita. Bushiribana, unda tabata smelt e oro, tabata activo pa 10 aña. Ta calcula cu a saca un total di 3 miyon liber di oro for di Aruba su suela;
• Waira di lama: e waira di lama por crece te un largura maximo di 180 cm. E coral ta orienta su mes den un angulo di 90 grado p’asina e por gara su cuminda cu e movecion di e olanan. E waira di lama ta un carnivoro;
• Cas floria y mosaico: hopi cas antiguo na Aruba ta decora cu simbolo cu tin nificacion special pa e habitantenan di e cas. Ta yama e casnan aki cas floria of cas decora. Tambe hopi cas antiguo na Aruba a uza mosaico cu dibuho di flor of geometrico hopi yamativo y bunita.

Biyete di binticinco florin:

E binticinco florin ta e di dos biyete di e famia nobo. E caracteresticanan di e biyete ta:

• E color oraño: e color oraño ta representa e solo cu ta briya tur dia riba nos isla y cu tambe ta un fuente importante di energia;
• Mata di Shoshoro: e mata di Shoshoro ta un mata medicinal hopi conoci na Aruba cu por crece te un largura di 13 meter. E shoshoro ta crece riba otro mata y asina limita nan di haya solo y stroba nan crecemento;
• Trupial: e trupial ta un di e parhanan mas sorprendente di Aruba. Ta considera e trupial di ta un pirata di neishi. En bes di construi su mesun neishi, e trupial ta busca un neishi bashi of e ta ataca otro parha violentamente p’asina por ocupa su neishi;
• Shoco Arubano: contrario na otro shoco, e shoco Arubano ta activo durante dia y anochi. El a desaroya pia largo cu ta permitie core y bula alabes ora di jaagmento;
• Cas floria y mosaico: hopi cas antiguo na Aruba ta decora cu simbolo cu tin nificacion special pa e habitantenan di e cas. Ta yama e casnan aki cas floria of cas decora. Tambe hopi cas antiguo na Aruba a uza mosaico cu dibuho di flor of geometrico hopi yamativo y bunita;
• Pintura di cueba Arawak: e pinturanan den cueba di Fontein ta representa nos prome habitantenan, e Indjannan Arawak. Nan a biba na e costanan di nos isla durante e periodo Pre-Ceramico (2.500 prome cu Cristo – 1.000 despues di Cristo);
• Purun di ceramica: e purun ceramica ta di rond di aña 1.000 prome cu Cristo, e Indjannan Caquetio tabata biba den 5 pueblo grandi rond di Aruba. Nan a cuminsa traha urna y purun di ceramica, di cual e restonan ta exhibi na Museo Arqueologico Nacional Aruba (MANA).

Biyete di cincuenta florin:

E cincuenta florin ta e di tres biyete di e famia nobo. E caracteresticanan di e biyete ta:

• Color cora: e color cora ta representa e color vibrante di algun especie di flora y fauna na Aruba, como tambe e strea cora riba Aruba su bandera;
• Cododo: e cododo ta un especie omnivoro cu ta come fruta, mata, insecto, webo di parha y raton. E ta hunga un rol importante den Aruba su sistema ecologico door cu e ta spart e simianan di fruta comi riba tera;
• Cangreu di tera: e cangreu di tera ta prefera di sali anochi p’asina evita cu e ta seca door di e solo. Durante e punto culminante di nan periodo di reproduccion, e cangreu di tera ta emigra for di tera pa lama;
• Willem III Toren: Willem III Toren  cu ta construi na aña 1868, tabata fungi como un faro y tambe como un toren cu holoshi. A cende e candela di e faro pa prome biaha riba e fecha natal di Rey Willem III;
• E holoshinan: e holoshinan tabata e prome holoshinan publico na Aruba;
• Cas floria y mosaico: hopi cas antiguo na Aruba ta decora cu e simbolonan cu tin nificacion special pa e habitantenan di e cas. Ta yama e casnan aki cas floria of cas decora. Tambe hopi cas antiguo na Aruba a uza mosaico cu dibuho di flor of geometrico hopi yamativo y bunita;
• Banana di rif: ta crece riba Aruba su costanan. E blachinan, troncon, fruta y simia no ta solamente dushi pa come, pero tambe ta beneficioso pa salud.

Biyete di shen florin:

E shen florin ta e di cuatro biyete di e famia nobo. E caracteresticanan di e biyete ta:

• E color berde: e color berde ta representa e habitat natural di diferente especie di flora y fauna di Aruba;
• E yuwana: e yuwana ta comunica cu otro yuwana door di move of sacudi su lele y cabes. E manera y frecuencia di move y sacudi su cabes tin un nificacion particular pa e otro yuwananan;
• Aloe: a introduci aloe na Aruba rond di aña 1840 y ta un di e prome productonan di exportacion di Aruba. E mata di aloe ta resistente y por biba largo;
• E toteki: ta reconoce e toteki pa e color asimetrico di su lele, cu ta varia entre oranje scur y geel. E toteki no ta gusta haltura y casi nunca ta subi mas halto cu 1,5 meter for di suela;
• Cas floria y mosaico: hopi cas antiguo na Aruba ta decora cu e simbolonan cu tin nificacion special pa e habitantenan di e cas. Ta yama e casnan aki cas floria of cas decora. Tambe hopi cas antiguo na Aruba a uza mosaico cu dibuho di flor of geometrico hopi yamativo y bunita;
• Baile di cinta: baile di cinta ta un baile folklorico. Durante e baile aki, e participantenan ta vlecht e cintanan cu usualmente ta den e colornan di e bandera di Aruba.

Biyete di dos shen florin:

E dos shen florin ta e di cinco biyete di e famia nobo. E caracterestica di e biyetenan ta:

• E color bruin: e color bruin ta representa e suela di Aruba cu ta provee alimento y vivienda;
• E dornasol: e dornasol ta un blenchi cu ta pisa rond di 3,5 gram y por bira mas of menos 8 cm largo. E ta defende e teritorio rond di flor cu hopi nectar na un manera agresivo;
• Cas floria y mosaico: hopi cas antiguo na Aruba ta decora cu e simbolonan cu tin nificacion special pa e habitantenan di e cas. Ta yama e casnan aki cas floria of cas decora. Tambe hopi cas antiguo na Aruba a uza mosaico cu dibuho di flor of geometrico hopi yamativo y bunita;
• E warawara: e warawara no ta mucho lihe ni agil den laria. E ta prefera di cana of core riba tera uzando su pianan largo y fuerte. E ta un di e poco parhanan cu ta jaag na pia;
• E tuna: e tuna ta usualmente un mata nocturno. Su flornan ta cora, blanco of geel y mayoria di tuna tin fruta comibel;
• E Caha di Orgel: e caha di orgel ta consisti di tres elemento, di cua ta e instrumento musical mes, e persona (doño) cu ta toca door di draai e man di e instrumento y e persona cu ta compaña tocando wiri. No por toca tur sorto di musica riba e caha di orgel, pasobra cu e cilinder tin solamente mita di e cantidad di nota musical cu tin riba un piano.