Departamento di Cultura Aruba ta enfoca riba incorporacion di e elementonan defini den e definicion di UNESCO, specialmente riba e componentenan educacional den proyecto cultural. Educacion cultural ta un componente esencial pa salvaguardia cultura na Aruba y pa crea consciencia y bienestar di cada individuo.

E definicion di Cultura:

E definicion di cultura di UNESCO cu a trata for di aña 1982 durante Conferencia Mundial riba Maneho Cultural ta como lo siguiente:

‘Cultura a keda componi di un conhunto di caracteristica di distincion spiritual, material, intelectual y emocional di un sociedad of grupo social. E ta inclui no solamente arte y literatura, pero tambe estilo di bida, moda di biba hunto, e derecho fundamental di ser humano, sistema di balor, tradicion y creencia.’ (UNESCO 2001).

Proyectonan di DCA: Arte di Palabra, Dia di San Juan (Dera Gay) y Gang di Arte.

• Arte di Palabra
• Dia di San Juan (Dera Gay)
• Gang di Arte