Arte di Palabra (AdP) ta un competencia literario na Papiamento pa e hobennan di 13 y 21 aña di scol secundario y avansa. E ta un competencia di poesia y storia cu ta cay bou di categoria existente of original.

E competencia ta un iniciativa di e comision di Papiamento na Corsou, cu a cuminsa na aña 1999.   Na Aruba, na aña 2009, un comision organisado, consistiendo di Departamento di Cultura Aruba, Grupo Corector di Papiamento (GCP), Fundacion Lanta Papiamento (FLP) y algun docente di Papiamento, a tuma e iniciativa pa organisa e prome competencia di Arte di Palabra na Aruba. E hobennan ganado di Aruba ta participa na e competencia di Arte di Palabra ABC (interinsular) sea na Aruba, Corsou of Boneiro.

Mirando e exito y e importancia cu e competencia aki tin pa e desaroyo expresivo di nos hobennan den nos idioma Papiamento, e comision organisado ta sigui organisa e competencia di Arte di Palabra tur aña.