Relato fotografico di Programa Intergeneracional di Grupo Nucleo
Programa Intergeneracional ta un proyecto di Grupo Nucleo di Adulto Mayor, cu tin como meta pa trece hoben y adulto mas cerca di otro y pa intercambia entre otro a traves di nan talento artistico.
Un pabien grandi ta bay na tur organisacion y departamento cu ta tras di e proyecto di intercambio y di integracion aki entre generacionnan. Un danki na e team organisado, cada grupo, musico, cantante, director, famia, bailado, publico presente, maestro di ceremonia, mandatario presente, tecnico, mucha, hoben y adulto pa un bunita trabao y excelente presentacion cu a haci di e anochi aki uno grandi y exitoso.
Sin duda, esaki tabata un anochi na unda cada grupo por a resalta y a bin bon prepara.
Ta di aplaudi tanto talento y esfuerso di tanto hende cu a participa y e rikesa di wak tur refleha den un integracion cu nos mester promove, balora, sostene y biba cu ne aki na Aruba.
Danki na e organisacion di Grupo Nucleo, Departamento di Cultura Aruba, entre otro Afranina Henriquez y Richard W. Hopmans di Cas di Cultura, cu tambe a duna un tremendo sosten.
Un pabien masha grandi y di curason na tur cu a forma parti di e Programa Intergeneracional.
Si tabata pa mi, mi lo a saca miyones di potret y captura cada momento pa documenta pa boso e bon trabao y boso excelente esfuerso pa comparti tur esaki cu nos pueblo.
Jhon Freddy T. Montoya (fotografo)